(بسم الله الرحمن الرحيم)
السلام عليكم..... في اشياء ترفع الضغط
والبديهي أحيانا تتحمله اذا كانت أعصابك باردة ...
بس اذا كان دمك حامي تبي تعصب ويرتفع ضغطك ,,
خلـونـــا نشــوف أمثلة لـ شغلات هذي.....
مثــلا :
# أنت بغرفتك منسدح بالسرير ومطفي النور ومتلحف بالبطانيه >>
يجي أحد أخوانك ويفتح الباب عليك ويقول : تبي تنام !!!
(( لا أبرقص على وحده ونص ,, أكيد أبنام ))
# أنتم معزومين عند ناس ورحتو لبيتهم وأول ما فتحوا الباب لكم : قال ولدهم " جيتــوا " !!!!!
(( لا رحنـــا ,, أكيد جينا وأنت وش تشوف ))
# والعكس : أنت لابس ثوبك وكاشخ ومشخّص بالشماغ وماشي بالبيت متجه لباب الشارع ,, يجي أحد من أهلك وينادي بصوت عالي : هاه تبي تطلع !!!!
(( لا أبدخل ,, أيه أبطلع ))
# أو مثلا راكب السياره وشغلت الموتر شوي وتدوس على البنزين يطلع لك واحد ويطق على القزاز ,, أنت بكل ذوق تفتح القزازه وتقوله : آمر يالحبيب ؟
يقولك : أنت تبي تمشي !!!
(( لا أبفحط وأسوي عقد لعيونك .... أكيد أنا ماشي ))
# مثلا ماسك سماعه التلفون وقاعد تضغط بالارقام يجي أحد من أهلك ويقولك : تبي تكلم بالتلفون !!!!
(( لا بصور معه,, أكيد أبكلم ))
# مثلا : ماسك مذكرة أو كتاب وقاعد تحفظ ومتحمس .. جاء أحد وقالك : قاعد تذاكر !!!
(( لا أطالع التلفزيون ,,, أيه أذاكر ))
# تسبح بالمسبح بالاستراحه يجي واحد من خوياك يمر عليك ويقول : فلان تسبح !!!
(( لا اطعس... وش تشوف يا تنكه))
ولا تعالــو شوفو قنواتنا واسئلتهم البديهيه البايخه ..,,
# برنامج اهداءات يتصل واحد يطلب أغنيه ؟
ترد عليه المذيعه بكل سخافه : أنتا بتحب هي الغنيّة !!!
(( لا ما أحبها بس طالبها أستهبل ,, ايه أحبها ليش أجل متصل ))
# أو مثلا بالعيد جايين يقابلون مع الناس شوفو حوارتهم :
المذيع : مرحبا عرفنا على اسمك ؟
المواطن : فلان الفلاني .
المذيع : وش تقول لأهلك بالعيد ؟!!!
المواطن : أقولهم كل عام وأنتم بخير ..
(( أكيد يبي يقولهم هالعباره أجل وش تبونه يقول بهالمناسبه ))
والأسخف من هالبديهيات اللي تضيع وقتنا اذا قابلو مع الورعان ,,,
يقول المذيع للورع: أنت تحب ماما وبابا !!!
(( لا عايش معهم فسقه ))
المذيع : ايش تسوي بالعيد أكيد تروح لأهلك تسلم عليهم وتقولهم كل سنه وانتو طيبين !!!!
(( لا بروح اطاق معهم واحذفهم بأقرب شي عندي,,, أكيد أبعايدهم )) <<؟
منقول